अष्ट्रेलियाका प्रधानमन्त्री अल्बानिजलाई कोरोना संक्रमण
मंसिर २०, मेलबर्न अष्ट्रेलिया । अष्ट्रेलियाका प्रधानमन्त्री एन्थोनी अल्बानिज कोरोना संक्रमित भएका छन्। उनी दोश्रो पटक कोरोना भाइरसबाट संक्रमित भएका हुन्।
प्रधानमन्त्री अल्बानिज संक्रमित भएपछि बुधबारको मन्त्रिपरिषद बैठक रद्द भएको छ। उक्त बैठकमा उर्जाको मूल्य सम्बन्धि महत्वपूर्ण विषयमा छलफल हुने तयारी थियो।
आँफु कोरोना संक्रमित भएको प्रधानमन्त्री अल्बानिज स्वयंले जानकारी दिएका छन्। उनले कोरोना संक्रमणको अवधिमा आइसोलेसनमा बस्ने र घरबाट नै काम गर्ने जानकारी दिएका छन्।
अल्बानिज यही वर्ष दोश्रो पटक कोरोना संक्रमित भएका हुन्।
