पुस १, मेलबर्न अष्ट्रेलिया । सिड्नीको मध्यसडकमा गाडी रोकेर २ चालकहरू झगडा गर्न थालेका छन्। बस र भ्यान चालकहरूले कुटाकुट गरेको भिडियो फुटेज शुक्रबार सार्वजनिक भएको हो।बस र भ्यान चालकले सडकमै झगडा गर्न थालेपछि सवारीसाधनहरू केही क्षणका लागि रोकिएका थिए।

भिडियो फुटेजमा आज दिउँसो १२:४० बजे एलिजाबेथ र गुलबर्न सडकको चोकको बीचमा एक अर्कालाई मुक्का र लात हानेको देखिएको छ।सडकबाट सुरू भएको लामो झगडा अन्ततः फुटपाथमा पुगेको थियो।

दुई जना यात्रुहरूले अन्ततः मानिसहरूलाई छुट्याउन र झगडा रोक्ने प्रयास गरेका थिए। न्यु साउथ वेल्स पुलिसले ४७ वर्षीय भ्यान चालक र ५३ वर्षीय बस चालकबिच विवाद भएपछि झगडामा संलग्न भएको बताएको छ।

प्रहरीले घटनाको अनुसन्धान गरिरहेको छ। प्रहरीले यस घटनाका साक्षीहरूलाई अधिकारीहरूसँग सम्पर्क गर्न आग्रह गरेको छ।