पुस ५, मुम्बई । अभिनेत्री दीपिका पादुकोण बलिउडको सुन्दर, स्टाइलिस र प्रतिभावान अभिनेत्रीमा पर्छिन्। यिनै दीपिका गत १८ डिसेम्बर अर्थात् कतारमा समापन भएको फिफा विश्वकपको फाइनलमा देखापरिन्।

अर्जेन्टिनाले जितेको यसपटकको विश्वकपको फाइलनमा दीपिकाले लुसेल स्टेडियममा पूर्व स्पेनिस गोलकिपर इकर कासिलासका साथ फिफा विश्वकप २०२२ को ट्रफी अनावरण गरेकी थिइन्।

यो ट्रफी अनावरण गर्ने दीपिका पहिलो ग्लोबल स्टार हुन्। अहिले दीपिकालाई यो ट्रफी अनावरण गर्न किन छनोट गरियो भन्ने विषयमा सर्वत्र चासो । धेरैले दीपिका आफ्नो फिल्म ‘पठान’को प्रमोसनका लागि त्यहाँ पुगेको बताए पनि त्यो दाबी गलत भएको छ।

यो ट्रफी करिब ६ दशमलब १ सय ७५ केजीको थियो । जुन १८ क्यारेट सुनबाट बनाइएको थियो। यो ट्रफीलाई विशेष व्यक्तिले मात्र छुन पाउँछन्। यो ट्रफी केस इन्टरनेसनल लग्जरी ब्राण्ड लुई विटोनले डिजाइन गरेको हो। दीपिका यसको ब्राण्ड एम्बासेडर हुन्। यहीकारण दीपिकाले ट्रफीको अनावरण गर्ने मौका पाएकी हुन्।