पुस १२, मेलबर्न अष्ट्रेलिया । सिड्नीको उत्तरी बिचमा रहेको शपिङ आर्केडमा आगलागी भएको छ। आगलागी र ग्यास चुहावटको समस्यालाई दमकलले नियन्त्रणमा लिएपछि स्थानीयहरूलाई सुरक्षित स्थानमा सारिएको छ।

न्यूपोर्ट गाउँ आर्केडको छतमा आगलागी भएको रिपोर्टपछि आज दिउँसो म्यानलीको उत्तरमा ३० वटा भन्दा बढी दमकलहरू र आठ वटा ट्रकहरू न्यूपोर्ट पुगेका थिए। स्थानीयहरूले अपमार्केट उपनगरको ब्यारेन्जोई रोडमा रहेको भवनबाट धुवाँ निस्किएको फुटेज सामाजिक सञ्जालमा पोस्ट गरेका छन्।

नजिकैका दुई युनिट ब्लकहरूबाट करिब ३० जना बासिन्दाहरूलाई खाली गरिएको न्यु साउथ वेल्स फायर एण्ड रेस्क्यूले बताएको छ। अहिले उक्त क्षेत्रमा ग्यास र बिजुली काटिएको छ भने स्थानीयलाई टाढा बस्न अनुरोध गरिएको छ।