अष्ट्रेलियाका लागि नेपाली राजदूत रुद्रकुमार नेपालले आफ्नो ४ वर्षे कार्यकाल पूरा गरेको अवसरमा सिड्नीमा बिदाई सम्मान गरिएको छ । न्यूसाउथवेल्सका लागि नेपाली अवैतनिक महावाणिज्यदूत दिपक खड्काले आयोजना गर्नुभएको रात्रिभोज र सम्मान कार्यक्रममा सिड्नीको नेपाली समूदायका अगुवाहरु, एनआरएनका पदाधिकारी, व्यवसायी, पत्रकार लगायतको उपस्थिति थियो । उक्त अवसरमा बोल्दै महावाणिज्यदूत खड्काले चार वर्षको क्रममा राजदूत नेपालसँगको सहकार्य सुखद रहेको भन्दै प्रशंसा गर्नुभयो । समूदायका लागि हरदम तयार रहने राजदूत नेपालको समाजका अगुवाहरुले पनि प्रशंसा गरेका थिए । कार्यक्रममा बोल्दै राजदूत रुद्र नेपालले हस्तलिखित पासपोर्टको प्रतिस्थापन गर्दै मेशिन रिडेबल पासपोर्ट लागू गर्नुपर्ने चुनौतीलाई समूदायसँगको सहकार्यमा सफलतापूर्वक सम्पन्न गर्न सकिएकोमा खुशी व्यक्त गर्नुभयो । आफु रिटायर्ड हुन अझै २ वर्ष बाँकी रहेको भन्दै उहाँले नेपालमा गएर यहाँ सिकेको ज्ञानलाई देशसेवामा लगाउने अठोट उहाँको छ । करिब तीन सातापछि उहाँको कायृकाल सकिँदैछ ।