त्रिभुवन आर्मी पोखरा कपको फाइनल प्रवेश, उपाधिका लागि मनाङसँग भिड्ने
धरान–११ लाई १–० गोलअन्तरले पराजित गर्दै त्रिभुवन आर्मी क्लब पोखरामा जारी मनकामना केवुलकार पोखरा कप अन्तर्राष्ट्रिय फुटबल प्रतियोगिताको फाइनलमा प्रवेश गरेको छ ।
आर्मीको जितमा नवयुग श्रेष्ठले खेलको ५० आँै मिनेटमा गरेको गोल निर्णायक बन्यो । शनिबार लक्ष्मी हुन्डाई मनाङ मस्र्याङ्दी क्लब र त्रिभुवन आर्मीबीच फाइनल खेल हुनेछ ।
आर्मी र मनाङ पछिल्लो ३ महिनामा दोश्रो पटक पोखरामा उपाधिका लागि भिड्न लागेका हुन् । यसअघि माघमा आहा ! रारा गोल्डकपको उपाधिका लागि दुई टोली आमनेसामने भएका थिए, जसमा मनाङले १–० को जित निकालेको थियो ।
