सल्यानमा एकै घरका तीनसहित चार जनाको हत्या
सल्यानमा एकै घरका तीनसहित चार जनाको हत्या भएको छ । छायाँक्षेत्र गाविस–९ रानीगाउँमा चार जनाको हत्या भएको अवस्थामा बुधबार शव फेला परेको हो ।
स्थानीय २२ वर्षीया सीता खान, सीताका छोरीहरु साढे दुई वर्षीया पवित्रा तथा डेढ वर्षीया सविता र सीताकी बहिनी १८ वर्षीया पवित्रा गिरीको शव फेला परेको प्रहरीले जनाएको छ । उनीहरुको घरमै हत्या भए पनि हत्याको कारण खुल्न नसकेको र घटनाका विषयमा थप अनुसन्धन भइरहेको सल्यानका प्रहरी नायव उपरीक्षक श्यामबहादुर खत्रीले जानकारी दिनुभयो ।
बलात्कारपछि हत्या भएको हुनसक्ने आशंकामा प्रहरीले अनुसन्धान शुरु गरेको छ । सीताका श्रीमान् रमेश खान मजदुरीका लागि भारतमा छन् ।
