काल्र्सबर्ग क्लासिक गल्फ टुर्नामेन्टअन्तर्गत पुरुषतर्फ महेन्द्र मैनाली र महिलातर्फको उपाधि प्रतिमा शेर्पालाई
काल्र्सबर्ग क्लासिक गल्फ टुर्नामेन्ट–२०१६ अन्तर्गत पुरुषतर्फको उपाधी महेन्द्र के मैनालीले जितेका छन् । काठमाडौंको रोयल नेपाल गल्फ क्लबमा भएको प्रतियोगितामा ४७ अंकका साथ मैनालीले उपाधी जितेका हुन् । मैनाली भन्दा २ अंकले पछि परेका रविन्द्र सैनी ४५ अंकका साथ दोस्रो भएका छन् । प्रतियोगिताअन्तर्गत महिलातर्फ ३८ अंकका साथ प्रतिमा शेर्पा पहिलो भएकी छन् । शेर्पाले दोस्रो भएकी पुष्पा राईलाई मात्र १ अंकले पछि पारिन् । २ दिने प्रतियोगितामा १८ जना पुरुष र २४ जना महिला खेलाडी सहभागी थिए ।
