दक्षिणी इराकमा दुई विस्फोटमा ३३ जनाको मृत्यु
इराकको दक्षिणमा अवस्थित सामावा सहरमा आइतबार गराइएको दुई विस्फोटमा परी कम्तीमा ३३ जनाको मृत्यु भएको इराकी सुरक्षा अधिकारीले बताएका छन् ।
घटनामा ५० जनाभन्दा बढी घाइते भएको प्राप्त समाचारमा उल्लेख छ ।
सामावास्थित अस्पतालले ३३ जनाको मृत्यु भएको पुष्टि गरेको मुथाना स्वास्थ्य विभागका सुरक्षा अधिकारीले बताएका छन् ।
इराकमा पछिल्ला केही हप्ता यता विद्रोहीद्वारा गराइएका विस्फोटमा फेरी दर्जनौँ मानिसले ज्यान गुमाएपछि सरकारले सुरक्षा स्थितिलाई थप मजबुत पारेको छ ।
