आफ्नै श्रीमानले चलाएको कारले ठक्कर दिँदा न्यु साउथ वेल्समा श्रीमतीको मृत्यु
चैत ७, मेलबर्न, अष्ट्रेलिया । न्यु साउथ वेल्सको कारपार्कमा श्रीमानले ठक्कर दिँदा ७० वर्षीया वृद्धाको मृत्यु भएपछि चर्च समुदाय शोकमा डुबेको छ।
सोमबार बिहान करिब ९ः३० बजे ती महिलालाई उनका श्रीमानले शोग्राउन्ड रोड, क्यासल हिलस्थित चर्च कारपार्कमा छोडिदिएका थिए ।
न्यु साउथ वेल्स एम्बुलेन्स प्यारामेडिकहरूले घटनास्थलमा अचेत फेला परेकी ७० वर्षीया महिलाको उपचार गरेका थिए। यद्यपि, उनलाई बचाउन भने असमर्थ रहे।
पास्टर इयान डीनले घटना अत्यन्तै दुखद भएको बताए।
७० वर्षीय चालक र गाडीमा सवार एक मात्र व्यक्तिलाई कुनै चोटपटक लागेन तर पनि अनिवार्य परीक्षणका लागि अस्पताल लगिएको छ ।
अहिले प्रहरीले यस घटनाको अनुसन्धान गरिरहेको छ ।
