चैत १६, मेलबर्न, अष्ट्रेलिया। अष्ट्रेलियामा विद्यार्थीहरूलाई उच्च गुणस्तरको एस्प्रेसो कफी पेय पदार्थहरू बनाउन आवश्यक ज्ञान र सीपहरू प्रदान गर्न डिजाइन गरिएको कोर्ष हो, बरिस्टा। यो पाठ्यक्रम अन्तर्गत कफी बीन छनोट, ग्राइन्डिङ र डोजिङ प्रविधिहरू, दूध बनावट, ल्याटे कला, र मेसिन मर्मत जस्ता विषयहरू समेटिन्छन्।

यो कोर्ष अन्तर्गत विद्यार्थीहरूले ग्राहक सेवा र आतिथ्यताका साथै कार्यस्थलको स्वास्थ्य र सुरक्षा अभ्यासहरू बारे पनि सिक्ने अवसर पाउनेछन्।

अष्ट्रेलियामा फराकिलो रहेको यो कोर्षकोदायर अझै बढीरहेको छ। अष्ट्रेलियाको कफी मन पराउने संस्कृति र अभ्यासले यसको दायरा बढाइरहेको छ।

यो कोर्ष पूरा गरेका दक्ष विद्यार्थीहरूले क्याफे, होटल, रेस्टुरेन्ट र कफी सेवा प्रदान गर्ने क्षेत्रमा आकर्षक जागिर पाउनेछन्। अनुभव बढ्दै जाँदा बरिस्टाहरूले उद्योगमा पर्यवेक्षक वा व्यवस्थापन भूमिकाहरूमा समेत बढुवा हुने अवसर प्राप्त गर्नेछन्।

अष्ट्रेलियामा बरिस्टाको सम्भावित आम्दानी उनीहरूको अनुभवको स्तर र काम गर्ने प्रतिष्ठानको प्रकारमा निर्भर हुन्छ। इन्ट्री-लेभलका बरिस्टाहरूले प्रति घण्टा २५ देखि २८ डलर सामान्य रूपमा नै कमाउन सक्नेछन्। त्यस्तै, अनुभवीहरूको कमाइ सुरूवात ३० डलर भन्दा माथिबाट हुने गर्दछ।

अष्ट्रेलियाको एक वेभसाइट talent.com का अनुसार अष्ट्रेलियामा एक वर्षमा बरिस्टाले योग्यता अनुसार एक वर्षमा औषत ५५ हजार डलर कमाउने गर्छन्। उनीहरूले प्रतिघण्टा २८ डलरका दरले कमाउँछन्। त्यस्तै, इन्ट्री लेभलका बरिस्टाहरूले एक वर्षमा ५० हजार ७०० डलर कमाउँदा अनुभवि बरिस्टाहरूको वार्षिक कमाइ भने ६८ हजार ३७३ डलर हुने उल्लेख गरेको छ।

पछिल्लो समय अष्ट्रेलियामा कमाइ तथा प्रतिष्ठको हिसाबले पनि यो पेशा थप आकर्षणको केन्द्रमध्ये एक बन्दै गइरहेको छ। सम्मान सहित कमाइ पनि राम्रो हुने भएपछि विद्यार्थीहरू यो कोर्षप्रति दिनप्रतिदिन आर्षित बनिरहेका छन्।

यस पाठ्यक्रमले व्यावसायिक एस्प्रेसो मेसिनहरू प्रयोग गरेर एस्प्रेसो कफी पेय पदार्थहरू निकाल्न र सेवा गर्न आवश्यक सीप र ज्ञान सिकाउँछ। यसमा दक्ष हुन ग्राहकहरूलाई कफी पेय पदार्थहरूमा सल्लाह दिने, कफी बीन्स चयन गर्ने र पीस्ने, एस्प्रेसो कफी पेय पदार्थहरू तयार गर्ने र मूल्याङ्कन गर्ने र एस्प्रेसो मेसिनहरू प्रयोग, मर्मत र सफा गर्ने क्षमता चाहिन्छ।

यो कोर्ष अध्ययन गर्नेहरूले केके सिक्नेछन् ? 

• कफी बनाउने ठाउँ व्यवस्थित पार्न
• कफी बिन्स छान्न र पिस्न
• एस्प्रेसो कफी पेय पदार्थहरूमा ग्राहकहरूलाई सल्लाह दिन
• एस्प्रेसोको गुणस्तर मापन गर्न र निगरानी गर्न
• एस्प्रेसो प्रदान गर्न
• एस्प्रेसो मेसिन सफा तथा मर्मत गर्न

कहाँ गर्न पाइन्छ बरिस्ट कोर्ष अध्ययन ?

अष्ट्रेलियामा करीब २ दशकदेखि उत्कृष्ट शिक्षा तथा व्यवसायिक तालिम प्रदान गरिरहेको रोयल ग्रिनहील इन्स्टिच्युट अफ टेक्नोलोजी (आरजीआइटी) मा यो कोर्ष अध्ययन गर्न पाइन्छ। मेलबर्नको एलिजावेथ स्ट्रिटमा आरजीआइटी अवस्थित छ। 

यो कक्षाकोठामा आधारित कोर्ष हो।  आरजीआइटीमा रहेको उत्कृष्ट प्रयोगशाला, समूहिक छलफल तथा दक्ष प्रशिक्षकहरूको प्रत्यक्ष निगरानीमा यो कोर्ष अध्यापन गराइन्छ। 

यो कोर्ष सफलतापूर्वक पूरा गर्न सहभागीहरूसँग आधारभूत भाषा र साक्षरता सीपहरू हुनु आवश्यक छ। आरजीआइटीले यो कोर्ष ११९ अष्ट्रेलियन डलरमा प्रदान गरिरहेको छ।