वैशाख १२, मेलबर्न, अष्ट्रेलिया । अष्ट्रेलियाले चीनबाट बढ्दो खतराको सामना गर्न लामो दुरीका क्षेप्यास्त्र (मिसाइल) किन्नको प्रयासलाई तीव्र बनाउने भएको छ। एक प्रमुख रक्षा समीक्षाले अष्ट्रेलियाले थप मिसाइल खरिद गर्न लागेको बताएको हो।

सरकारले प्रतिवेदनका तत्काल सिफारिसहरू उपलब्ध गराउन १९ बिलियन डलर खर्च गर्ने बिबिसीमा उल्लेख गरिएको छ। ११० पृष्ठको अध्ययनले दोस्रो विश्वयुद्ध पछि अष्ट्रेलियाको रक्षाको सबैभन्दा ठूलो परिमार्जनको रूपमा वर्णन गरेको छ।

रक्षा रणनीतिक समीक्षा (डीएसआर) ताइवानप्रति चीनको अडानमा बढ्दो क्षेत्रीय तनावको बीचमा बाहिरिएको हो।

चिनियाँ नौसेनाले पनि साउथ चाइना सागरमा आफ्नो ठूलो उपस्थिति स्थापित गरेको छ। अन्तर्राष्ट्रिय कानुन विपरीत चीनले उक्त क्षेत्रको भाग समेटेको पनि उल्लेख गरिएको छ।

“चीनको सैन्य निर्माण दोस्रो विश्वयुद्धको अन्त्य पछि कुनै पनि देशको सबैभन्दा ठूलो र सबैभन्दा महत्वाकांक्षी हो। यो निर्माण चीनको रणनीतिक उद्देश्यको इन्डो-प्यासिफिक क्षेत्रमा पारदर्शिता वा आश्वासन बिना भइरहेको छ,” रिपोर्टमा भनिएको छ।

प्रधानमन्त्री एन्थोनी अल्बानीजले पछिल्लो रिपोर्टका सुझावहरूले अष्ट्रेलियालाई आत्मनिर्भर, थप तयार र थप सुरक्षित बनाउन मद्दत गर्ने बताएका छन्।

उक्त रिपोर्टले अष्ट्रेलियाको सशस्त्र बलहरूलाई भूमिमा आधारित हतियारभन्दा अष्ट्रेलियामा निर्मित युद्धास्त्रहरू सहित लामो दूरीको स्ट्राइक क्षमतामा केन्द्रित गर्न सिफारिस गरेको रक्षामन्त्री रिचर्ड मार्ल्सले भनेका छन्।