राजदूत पोखरेल र अष्ट्रेलियाका विदेश मामिला सहायक मन्त्री वाट्सबीच भेटवार्ता
वैशाख २९, मेलबर्न, अष्ट्रेलिया । अष्ट्रेलियाका लागि नेपाली राजदूत कैलाश राज पोखरेल र सांसद तथा विदेश मामिला सहायक मन्त्री टिम वाट्सबीच भेटवार्ता गरेका छन्।
क्यानबेरामा रहेको नेपाली राजदूतावासले दिएको जानकारी अनुसार राजदूत खोरेल र मन्त्री वाट्सको बिहीबार बिहान भेट भएको हो।
उक्त भेटवार्तामा दुबै जनाले अष्ट्रेलिया र नेपालको द्विपक्षीय सम्बन्धका बारेमा विविध छलफल भएको जानकारी दिइएको छ।
मन्त्री वाट्सको नेपाल भ्रमणलाई लक्षित गर्दै राजदूत पोखरेलले वर्तमान अवस्थामा नेपाल र अष्ट्रेलियासँग सम्बन्धित विभिन्न मुद्दा तथा विषयहरूका बारेमा जानकारी गराएका थिए।
मन्त्री वाट्सले मे १६-१७ तारिखमा नेपालको औपचारिक भ्रमण गर्न तय भएको छ।
