मेलबर्नमा एक महिलाको छुरा प्रहार गरी हत्या
जेठ १६, मेलबर्न, अष्ट्रेलिया । मेलबर्नको दक्षिणपूर्वमा एक पुरुषसँगझगडा गर्दा एक महिलाको छुरा प्रहार गरी हत्या गरिएको छ।
मंगलबार बिहान साढे ७ बजे एन्डेभर हिल्सस्थित कासान गार्डेनमा पुरुष र महिलाबीच झगडा भएको प्रहरीले जानकारी दिएको छ।
एक महिलालाई छुरा प्रहार गरेको र केही समयमा उनको घटनास्थलमा नै मृत्यु भएको प्रहरीले उल्लेख गरेको छ।
हत्याको अनुसन्धान भइरहेको र घटनामा संलग्न महिला र पुरुषले एकअर्कालाई चिनेको हुनसक्ने जनाइएको छ। घटनामा संलग्न अन्य कसैलाई पनि नखोजिएको प्रहरीले जनाएको छ।
घटनाको प्रत्यक्षदर्शी वा सिसिटिभी फुटेज हुन सक्ने जो कोहीले प्रहरीलाई सम्पर्क गर्न आग्रह गरिएको छ।
