बोको हरामको अपहरणमा परेकी नाइजेरियाली अर्की छात्रा रिहा
नाइजेरियाको चरमपन्थी समूह बोको हरामले दुई वर्षअघि अपहरण गरेकी अर्की एक छात्राको उद्दार गरिएको छ ।
सेरा लुका नाम गरेकी छात्राको उद्दार गरिएको त्यहाँको सुरक्षा निकायले जनाएको छ । यसअघि बुधबार पनि अमिना नामकी एक छात्राको उद्दार गरिएको थियो ।
योसँगै बोको हरामले अपहरण गरेका दुई छात्राको उद्दार भएको छ । बोको हरामले सन् २०१४ को अप्रिल १४ मा नाइजेरियाको चिबोकस्थित एक विद्यालयबाट २ सय ७६ स्कुल छात्राको अपहरण गरेको थियो । त्यसैबेला केही छात्रा भागेका थिए ।
