सिड्नीको व्यस्त सकडमा दिनदहाडै गोली हानी एक जनाको हत्या
जेठ २८, मेलबर्न, अष्ट्रेलिया । सिड्नीको एक व्यस्त सबर्भको सडकमा एक जनाको गोली हानी हत्या गरिएको छ। आइतबार स्थानीय समय अनुसार दिउँसो साढे चार बजेको समयमा एक जनामाथि गोली प्रहार भएको हो।
मृतक अन्दाजी ४० वर्षको रहेको अनुमान गरिएको छ। उनको पहिचान खुल्न नसकेको प्रहरीले जानकारी दिएको छ।
यस घटनापछि प्रहरीले घटनामा संलग्नको खोजी गर्नका लागि ग्रानभिल क्षेत्रमा अपरेशन चलाएको छ।
अष्ट्रेलियाको सबैचभन्दा ठूलो शहर सिड्नीबाट ग्रानभिल जम्मा १८ किलोमिटर टाढा रहेको छ।
प्रहरी अधिकारीहरूले यस घटनाबारे जानकारी भएका जो कोहीलाई पनि सम्पर्क गरेर अनुसन्धानमा सहयोग गर्न अपिल गरेको छ।
