क्वीन्सल्याण्डको मुख्य सडकमा कुटपिटपछि एक जनाको मृत्यु
जेठ ४, मेलबर्न, अष्ट्रेलिया । क्वीन्सल्याण्डको नूसा हेड्सको मुख्य सडकमा आज बिहान एक व्यक्तिको कुटपिटपछि मृत्यु भएको छ।
बिहान ६ बजे हेस्टिङ्स स्ट्रिटमा आपतकालीन टोलीलाई घटनास्थलमा बोलाइएको केही समयपछि नै ती व्यक्तिको मृत्यु भएको प्रहरीले जनाएको छ।
प्रहरीले यस घटनामा संलग्न भएको आशङ्कामा एक जनालाई प्रहरीले हिरासतमा राखेको छ। प्रहरीले उनीसँग अहिले सोधपुछ गरिरहेको जनाएको छ।
यस घटनाबारे कसैलाई केही जानकारी भएमा प्रहरीसँग सम्पर्क गर्न अनुरोध गरिरहेको छ।
