मेलबर्नको मुख्य सडकमा एकै पटक तीन वटा कारमा लाग्यो आगो
असार १२, मेलबर्न, अष्ट्रेलिया । मेलबर्नमा तीन वटा कार एकै पटक जलेका छन्। मेलबर्नको मुख्य सडकमा नै एकापसमा ठोक्किएपछि तीन वटा कारमा आगो लागेको हो।
कारहरू सोमबार दिउँसो २.३० बजेभन्दा ठीक अगाडि लिक्स रोड, लेभरटन नजिकैको पुलमा दुर्घटनाग्रस्त भएको प्रहरीले जानकारी दिएको छ।
फायर रेस्क्यू भिक्टोरियाका अनुसार घटना दिउँसो २.४२ बजे नियन्त्रणमा आएको थियो। आगलागीबाट दुईवटा कार पूर्णरुपमा जलेर नष्ट भएको छ र एउटामा क्षति पुगेको छ,” भिक्टोरिया प्रहरीले जानकारी दिँदै भनेको छ।
तर, उक्त घटनामा कोही पनि घाइते नभएको प्रहरीले उल्लेख गरेको छ।
