टेक्सासमा दुर्घटना हुँदा अष्ट्रेलियाकी अनुभवि स्काइडाइभरको मृत्यु
असार १९, मेलबर्न, अष्ट्रेलिया । टेक्सासको ह्युस्टनमा स्काइडाइभिङ दुर्घटनामा परी अष्ट्रेलियाकी एक युवतीको मृत्यु भएको छ।
पश्चिमी अष्ट्रेलियाको पोर्ट केनेडीकी अनुभवी स्काइडाइभर तथा प्रशिक्षक मेलिसा पोर्टरको दुर्घटनामा परी मृत्यु भएको हो। जुन २४ मा स्काइडाइभ स्पेसल्याण्ड ह्युस्टनमा नयाँ जम्पिङ विधि प्रयास गरिरहँदा उनी दुर्घटनामा परेको बताइएको छ।
एबीसीका अनुसार उनी विमानबाट हाम फालेपछि उनको प्यारासुट खुलेको थियो। तर, उनी अवतरण गर्दा कडा रूपमा भुइँमा बजारिन पुगेको प्रत्यक्षदर्शीले बताएका छन्।
उनलाई त्यहाँबाट तत्काल अस्पताल लगिएको थियो। तर, डाक्टरले उनलाई मृत घोषित गरे।
