सिड्नीमा रोकिराखेको एक कारमा मानिसको शव फेला
असार २०, मेलबर्न, अष्ट्रेलिया । सिड्नीमा एउटा कारमा मानिसको शव फेला परेको छ। सिड्नीको उत्तरपश्चिमी क्षेत्रमा आगो लागेको कारमा एक शव फेला परेको हो।
उत्तरी पाररामट्टाको वेब सेन्टमा कारमा आगलागी मंगलबार बिहान २.१५ बजे भएको बताइएको छ।
त्यसपछि जलेको ह्याचब्याक भित्र एक शव फेला परेको थियो। प्रहरीले यस विषयमा प्रारम्भिक अनुसन्धान गरेको छ। प्रहरीको उक्त अनुसन्धानबाट केही विस्फोट भएर कारमा आगो लागेको हुनसक्ने अनुमान गरिएको छ।
व्यक्तिको पहिचान र मृत्युको कारण पुष्टि गर्न पोस्टमार्टम परीक्षण गरिने प्रहरीले जानकारी दिएको छ।
