असार २४, मेलबर्न, अष्ट्रेलिया । मेलबर्नको पश्चिमी उपनगरमा एक बालकलाई आक्रमण गरी हत्या गरेको भन्दै तीन किशोरहरूलाई हत्याको आरोप लगाइएको छ।

१४ वर्षीय बालक र अन्य दुई साथीहरू जुन २६ तारिखमा सेन्ट अल्बान्सको रेलवे स्टेशनबाट घर जाँदै थिए। सोही अवस्थामा एक एसयुभी नजिक आयो।

त्यसपछि कारले उक्त बालकलाई ठक्कर दियो। अनुहार छोपेका दुई व्यक्ति कारबाट निस्किएर उनीमाथि आक्रमण गरेको प्रहरीले जानकारी दिएको छ।

उनका साथीहरूलाई चोट लागेन र भाग्न सफल भए। उनीहरूले आकस्मिक सेवामा फोन गरेर घटनाबारे जानकारी दिएका थिए। तर बालकको अस्पताल लैजाँदै गर्दा बाटोमै मृत्यु भयो ।

शनिबार राति अनुसन्धान टोलीले १८ वर्षीय टार्नाइट, १७ वर्षीय विन्डहम भेल र १७ वर्षीय डियर पार्क किशोरलाई पक्राउ गरेको हो।

नीहरुमाथि हत्याको अभियोग लगाइएको छ। उनीहरू अदालतमा उपस्थित हुने तयारीमा रहेको बताइएको छ।