भदाै ५, मेलबर्न, अष्ट्रेलिया । मेलबर्नको लोकप्रिय पार्कमा भएको झगडामा एक व्यक्तिको मृत्यु भएको छ। सोमबार बिहान भएको झगडामा ती व्यक्तिको मृत्यु भएको प्रहरी जानकारी दिएको छ।

पूर्वी मेलबर्नको फिट्जरोय गार्डेनमा सोमबार बिहान ७ बजेभन्दा ठीक अगाडि दुई पुरुषबीच झगडा भएको प्रहरीले जनाएको छ।

झगडामा सामेल भएका मध्ये रिंगवुडका ५२ वर्षीय पुरूषलाई प्यारामेडिक्सले घटनास्थलमा नै उपचार गरेका गरेका थिए। तर केही समयमा नै उनको मृत्यु भएको जानकारी दिइएको छ।

ठेगाना यकिन भइनसकेका ३६ वर्षीय पुरूषलाई प्रहरीले घटनास्थलबाट नै गिरफ्तार गरेको छ।

हत्याको बारेमा अनुसन्धान भइरहेको तर घटनामा अन्य व्यक्ति संलग्नता नरहेको देखिएको प्रहरीको भनाइ छ। घटनाबारे कसैलाई जानकारी भएमा सम्पर्क गर्न प्रहरीले आग्रह गरेको छ।