अष्ट्रेलियाको प्राथमिक विद्यालयमै छात्रामाथि चक्कु प्रहार
भदाै ८, मेलबर्न, अष्ट्रेलिया । एडिलेडको उत्तरी भागमा रहेको एक प्राथमिक विद्यालयमा एक किशोरीलाई अर्का विद्यार्थीले छुरा प्रहार गरेको बताइएको छ।
एलिजाबेथ पार्कको योर्कटाउन रोडमा रहेको सेन्ट थोमस मोर स्कूलमा बिहान ९ बजेतिर बालिकालाई चक्कुले आक्रमण गरेपछि छोटो समयका लागि लकडाउन गरिएको थियो।
बालिकाको शरीरमा सामान्य चोट लागेको र उनलाई उपचारका लागि महिला तथा बालबालिका अस्पताल लगिएको प्रहरीले जनाएको छ।
“उत्तरी जिल्ला प्रहरी तुरुन्तै उपस्थित भयो र संदिग्धलाई पक्राउ गर्यो,” एक प्रहरी प्रवक्ताले भनेका छन्। प्रहरीले घटनास्थलबाट चक्कु समेत बरामद गरेको बताएको छ।
प्रहरीले अरू विद्यार्थीहरूलाई कुनै असर नपरोस् भनेर सुरक्षा दिइरहेको बताइएको छ।
