भदाै १९, मेलबर्न, अष्ट्रेलिया । रिजर्भ बैंक अफ अष्ट्रेलिया (आरबीए)ले यो महिनामा ब्याजदर नबढाउने निर्णय गरेको छ। योसँगै अष्ट्रेलियामा पछिल्लो तीन महिना ब्याजदर स्थिर भएको छ।

आरबीएको यो निर्णयसँगै ऋण लिएका लाखाैँ अष्ट्रेलियन ऋणीहरूले राहतको महसुस गर्ने भएका छन्।

बैंकको मार्टिन प्लेस मुख्यालयमा आज दिउँसो बसेको आरबीए बोर्डको बैठकले ब्याजदर ४.१ प्रतिशतमा राख्ने निर्णय गरेको हो।

ट्रेजरले गभर्नर फिलिप लोवेको सात वर्षको कार्यकाल नबढाउने निर्णय गरेपछि उनले मौद्रिक नीतिको निर्णय हस्तान्तरण गर्ने यो नै अन्तिम पटक हो।

आफ्नो अधिकांश करियरका लागि प्रसिद्ध नभएका लोव कोभिड १९ को समयमा प्रसिद्ध भए, र पछि विवादास्पद पनि।

त्यो अवधिमा, लोवे र आरबीएले अर्थतन्त्रलाई बढावा दिनको लागि ब्याज दरलाई ०.१% मा घटाएका थिए। तर, त्यसपछिका महिनाहरूदेखि अहिलेसम्म १२ पटक ब्याजदर बढिसकेको छ।