अष्ट्रेलियाका मार्कमाथि प्रफुल महर्जनको कमब्याक जित
असोज २५, मेलबर्न, अष्ट्रेलिया । नेपाली खेलाडी प्रफुल महर्जनले भिक्टोरियको बेन्डिगोमा जारी बेन्डिगो इन्टरनेसलन च्याम्पियनसिप ब्याडमिन्टन प्रतियोगितामा रोमाञ्चक जीत निकालेका छन्।
अष्ट्रेलियामा एड्विन मार्क केथमाथि प्रतिस्पर्धात्मक जित निकाल्दै महर्जन तेश्रो चरणमा प्रवेश गरेका छन्। मार्कसँग पहिलो सेटमा २०-२२ ले पराजित भएका प्रफुलले दोश्रो र तेश्रो सेट १५-२१ र १५-२१ को अन्तरले जित्दै तेश्रो चरणमा स्थान सुरक्षित गरेका हुन् ।
यसअघि नेपालका प्रिन्स दाहालले पनि अष्ट्रेलियाका खेलाडीमाथि सोझो सेटमा जित निकाल्दै अर्को चरणमा स्थान सुरक्षित गरिसकेका छन् ।
