प्रिन्स दाहाल ‘सिड्नी इन्टरनेसनल’ ब्याडमिन्टन प्रतियोगिताको अन्तिम ३२ मा छनोट
कार्तिक १, सिड्नी, अष्ट्रेलिया । अष्ट्रेलियाको सिड्निस्थित ओलम्पिक पार्कमा जारी ‘सिड्नी इन्टरनेसनल’ ब्याडमिन्टन प्रतियोगितामा नेपालका प्रिन्स दाहाल अन्तिम ३२मा पुगेका छन् ।
बुधबार भएको अन्तिम ६४ अन्तर्गतको खेलमा अष्ट्रेलियाका जिङ होङ गोलाई सहजै पराजित गर्दै दाहाल अर्को चरणका लागि छनाेट भएका हुन् । उनले गोमाथि २१-५ र २१-८ सोझो सेटको जित निकाले ।
यसअघि भिक्टोरियाको बेन्डिगोमा भएको ‘बेन्डिगो इन्टरनेसनल च्यालेन्ज’मा पनि प्रिन्स क्वार्टरफाइनलसम्म पुगेका थिए ।
