चारदेशीय महिला टी–२० सिरिज : जापानलाई ४५ रनले हराउँदै तेस्रो भयो नेपाल
मंसिर ३, काठमाडौँ । चारदेशीय महिला टी–२० सिरिजमा नेपाल तेस्रो भएको छ। आइतबार सम्पन्न तेस्रो स्थानको लागि भएको खेलमा नेपालले जापानलाई ४५ रनले पराजित गर्दै तेस्रो भएको हो।
नेपालले दिएको ११६ रनको लक्ष्य पछाएको जापानले २० ओभरमा २ विकेट गुमाउदै ७० रन मात्र बनाएपछि नेपाल ४५ रनले विजयी भएको हो। यसअघि पहिला ब्याटिंग गर्दै नेपालले २० ओभरमा ५ विकेट गुमाउदै ११५ रन बनाएको थियो।
यस सिरिजमा नेपाल समुह चरणमा जापानलाई पराजित गरेको थियो भने आयोजक हङकङ र तान्जानियासँग पराजित भएको थियो। त्यस्तै जापानले भने समुह चरणका तिनै खेलसहित तेस्रो स्थानको खेलमा पनि हार बेहोरेको छ।
यस सिरिजको फाइनल खेलमा आज हङकङ र तान्जानिया खेल्दैछन्।
