एनएसएल : झापा एफसीलाई हराएर शिर्ष स्थानमा उक्लिने दाउमा धनगढी
पुस ४, काठमाडौं । काठमाडौंमा जारी खनेपाल सुपर लिग (एनएसएल) फुटबलमा आज झापा एफसी र धनगढी एफसीबीच प्रतिस्पर्धा हुने भएको छ । त्रिपुरेश्वरस्थित दशरथ रंगशालामा खेलाइने खेल साँझ ५ बजेदेखि सुरु हुनेछ।
जारी लिगमा आज दुवै टोलीले सातौँ खेल खेल्दैछन्। आजको खेलमा धनगढी चौथो जितको खोजीमा रहँदा झापा एफसी दोस्रो जित निकाल्ने योजनामा छ। धनगढी तीनमा जित र तीनमा बराबरीका साथ अपराजित रहँदै १२ अंकका साथ दोस्रो स्थानमा रहेको छ।
आजको खेल जितेको खण्डमा धनगढी शीर्षस्थानमा उक्लिने छ। पोखरा १४ स्थानका साथ शीर्षस्थानमा छ। यस्तै, झापा एफसी एकमा जित, चारमा बराबरी र एकमा हार बेहोर्दै ७ अङ्कका साथ पाँचौँ स्थानमा छ।
