हराएको भनिएका किम जोंग उन देखिए सार्वजनिक कार्यक्रममा, तस्वीर सार्वजनिक
विभिन्न हल्ला र अड्कलबाजीलाई गलत सावित गर्दै उत्तर कोरियाका राष्ट्रपति किम जोंग उन एक सार्वजनिक कार्यक्रममा देखिएको तस्वीर त्यहाँको राष्ट्रिय समाचार च्यानलले प्रशारण गरेको छ । ४० दिनदेखि कुनैपनि कार्यक्रममा नदेखिएका उनलाई बन्धक बनाइएको र त्यहाँ सैनिक कू भएको हल्ला चलेको थियो । उनको मृत्यु भइसकेको समेत भन्दै पश्चिमा मिडियाहरुले प्रचारवाजी गरेका थिए । उनले नवनिर्मित नेचुरल ईनर्जी ईन्ष्टिच्युट अफ स्टेट एकेडेमी अफ साईन्सेसको भवनमा भ्रमण गरेको बताइएको छ । अझै पनि धेरै प्रश्नहरुको जवाफ आउन बाँकी रहेको सिएनएनका ब्रेन टोडले प्रतिक्रिया दिएका छन् ।
