माघ ५, काठमाडौं । नेपाली राष्ट्रिय फुटबलर एरिक विष्टले भारतीय (आइ) लिग खेल्ने भएका छन्। भारतको मेघालय सिलोङले नेपाली टोलीका मिडफिल्डर एरिकलाई अनुबन्ध गरेको गरेको जनाएको छ।

एरिक जारी आइ लिगका बाँकी खेलका लागि अनुबन्धित भएका हुन्। यसअघि सिलोङबाट नेपालका अनिल गुरुङले खेलिसकेका छन्।

नेपाली राष्ट्रिय टिमको मिडफिल्डमा राम्रो जमेका एरिकले हालै भएको नेपाल सुपर लिग एनएसएलमा बुटवल लुम्बिनी एफसीको मार्की खेलाडीको रुपमा गतिलो छाप छाडेका थिए। उनले कप्तानको पनि जिम्मेवारी निर्वाह गरेका थिए। एरिकले २०२० मा बंगलादेशमा भएको मुजिब बर्षो मैत्रीपूर्ण खेलबाट सिनियर टोलीमा डेब्यु गरेका हुन्।

उनले सहिद स्मारक ए डिभिजन लिगको उपाधि नव प्रवेशी क्लब चर्च ब्वाइजलाई सफलता दिलाउन पनि महत्वपूर्ण भूमिका खेलेका थिए।