माघ २५, मुम्बई । साउथ सुपरस्टार अल्लू अर्जुनको बहुप्रतिक्षित फिल्म ‘पुष्पा-२: द रुल’ चाँडै थिएटरमा प्रदर्शनको तयारीमा छ। यो फिल्मलाई लिएर अल्लूका फ्यान व्यग्र प्रतिक्षामा छन्।

हाल यो फिल्मको सुटिङ धमाधम भइरहेको छ। केही समय अघिमात्र सुटिङ सेटबाट सार्वजनिक केही तस्वीर सामाजिक सञ्जालमा भाइरल भएका थिए। सार्वजनिक तस्वीरमा अल्लूलाई निलो साडी लगाएका ‘गंगम्मा थल्ली’ लुक्समा देखिएको थियो।

अब यो फिल्मको तेस्रो सिक्वेलको तयारीमा निर्माताहरु जोडतोडका साथ लागिरहेका छन्। ‘पुष्पा २ स्द रुल’ पछि यसका निर्माताहरु तेस्रो सिक्वेल ‘पुष्पा ३:स्द रोर’ लाई लिएर दर्शकमाझ आउने तयारीमा जुटिसकेका छन्। तर तेस्रो सिक्वेल दर्शकमाझ आउन भने केही समय लाग्नेछ। फिल्म ‘पुष्पा २स्द रुल’ यसै वर्षको अगष्ट १५ मा रिलिज हुँदैछ।

फिल्ममा अल्लू र अभिनेत्री रश्मिका मन्दाना प्रमुख भूमिकामा देखिँदैछन्। सुकुमारको निर्देशन रहने फिल्ममा मलयालम स्टार फहाद फासिल प्रमुख भिलेन हुनेछन्।