इराकको राजधानी बग्दादस्थित एक सिया मस्जिदमा आत्मघाती बम हमला र गोली प्रहारबाट कम्तिमा ३० जनाको मृत्यु, केही घाइते ।
इराकको राजधानी बग्दादको एक सिया मस्जिदमा भएको आत्मघाती बम हमला र गोली प्रहारबाट कम्तिमा ३० जनाको मृत्यु भएको छ ।
मुस्लिम समुदायका पवित्र पर्व इद मनाउन मेला भएकाहरु माझ एक जनाले आत्मघाती बम विस्फोट गराएको र अन्य केहीले गोली प्रहार गरेको बताइएको छ । घटनामा कयौं घाइते भएका छन् ।
घटनाको जिम्मेवारी इस्लामिक स्टेट आइएसले लिएको छ । बलाद शहरमा रहेको मस्जिदमा आत्मघातीले बम विस्फोट गराएलगत्तै गोली चलेको अधिकारीहरुले बताएका छन् । यसअघि गत आइतबार बग्दादमै भएको एक आक्रमणमा ३ सयले ज्यान गुमाएका थिए ।
