प्रवासी नेपाली मञ्च अष्ट्रेलियाले जननेता मदन भण्डारीको ६५ औं जन्मजयन्तीको अवसरमा सिड्नीमा रक्तदान कार्यक्रम सम्पन्न गरेको छ । सिड्नीको टाउन हलस्थित रक्तदान केन्द्रमा सम्पन्न भएको कार्यक्रममा मञ्चका सदस्यहरु, शुभेच्छुकले रक्तदान गर्नुभएको प्रवासी मञ्च अष्ट्रेलियाले जनाएको छ । नेपाललाई जनताको बहुदलीय जनवाद मार्फत नयाँ मार्ग दिनुहुने मदन भण्डारीको जन्मोत्सवको अवसरमा कसैको जीवन जोगाउनका लागि महत्वपूर्ण मानिने रक्तदान गर्नु राम्रो अनुभव भएको अध्यक्ष रमेश पाण्डेले बताउनुभयो । रक्तदान कार्यक्रममा प्रवासी नेपाली मञ्चका अध्यक्ष पाण्डेसहित पूर्वअध्यक्ष तथा सल्लाहकार डा. विनोद श्रेष्ठ, एनआरएन अष्ट्रेलियाका पूर्वअध्यक्ष महेन्द्र ओली, निहुरिपका अध्यक्ष होम पाण्डे लगायतको उपस्थिति रहेको थियो ।