जेठ १५, काठमाडौं । जनमत पार्टीका अध्यक्ष चन्द्रकान्त ९सीके० राउतले वर्तमान व्यवस्था सडेगलेको व्यवस्था भइसकेको भन्दै स्वीकार गर्न नसकिने टिप्पणी गरेका छन्।

जनमत पार्टीको आह्वानमा मंगलबार आयोजित ‘नौलो गणतन्त्र आन्दोलन उद्घोष’ कार्यक्रमलाई सम्बोधन गर्दै उनले वर्तमान व्यवस्था, राजनीतिक दल र सरकारबाट अपेक्षित काम नभएको उल्लेख गर्दै आफूहरु चुप लागेर नबस्ने बताएका हुन्।

उनले भने, ‘या त यही व्यवस्थामा बाँच्न सिक्नुप¥यो कि त यो व्यवस्था बदल्नका लागि तयार रहनुपर्याे। कि सडेगलेको व्यवस्था स्वीकार्नु प¥यो कि त यसलाई बदल्नका लागि अगाडि बढ्नु पर्याे। यो देशलाई नै विकल्प दिनका लागि जनमत पार्टी यहाँ भेला भएको छ। वर्तमान व्यवस्था, राजनीतिक दल र सरकारले देशलाई निकास दिन सकेन, अब चुप लागेर बस्ने त ?’

आफूसँग भएको बिउलाई देशभर फैलाएर छिट्टै नै नयाँ गणतन्त्रको उद्घोष गर्ने उनको भनाइ थिायो। ‘हामीकहाँ संख्या सानो होला तर, यो बिज हो, देशभर फैलाउँछौं। हामी नयाँ गणतन्त्रको उद्घोष यहाँबाट गर्नेछौं,’उनले भने।

अध्यक्ष राउतले हल्ला गरेर मात्र देशको विकास गर्न नसकिने उल्लेख गर्दै जनतालाई देखाएका सपनाहरु पुरा गर्न नौलो गणतन्त्र आवश्यक भएको उल्लेख गरे।

उनले भने, ‘जबसम्म हामी देशलाई निकास दिँदैनौं, जबसम्म हामी जनतालाई देखाएका सपना पुरा गर्दैनौं, तबसम्म तपाईहरुको साथ रहनेछ भन्ने विश्वास लिएको छु। खालि हामी हल्ला गरेर मात्र त अगाडि बढ्न सक्दैनौं। राजनीतिक दल, संसद र सरकारबाट उपलब्धि भएन, अब के गर्ने ? चुप लागेर बस्ने त ? कि त देशबाट पलायन हुनु पर्याे। नभए यही बेरोजगार व्यवस्थालाई स्वीकार्नु प¥यो, भोक र रोग स्वीकार्नु पर्याे। तपाईहरु साथ दिनुस् हामी नौलो गणतन्त्र लिएरै छाड्छौं।’