पूर्व गृहमन्त्री बादलका छोरा प्रतीक पक्राउ
असार १५, काठमाडौँ । पूर्व गृहमन्त्री एवम् नेकपा एमालेका उपाध्यक्ष रामबहादुर थापा ‘बादल’का छोरा प्रतीक थापा पक्राउ परेका हुन्। शुक्रबार उनलाई सीआईबीको टोलीले बौद्धबाट पक्राउ गरेको हो। नक्कली भुटानी शरणार्थी प्रकरणमा थापा फरार थिए।
नेपाली नागरिकलाई भुटानी शरणार्थी बनाएर अमेरिका पठाउने भन्दै लाखौं असुली गरेको गिरोहलाई सहयोग गरेको अभियोग उनीमाथि छ। उनले सो क्रममा गिरोहमार्फत रकम बुझेको समेत आरोपीहरूले बयानका क्रममा खुलाएका छन्।
फरार रहँदै आएका उनी शुक्रबार भने राजधानीको बौद्धबाट पक्राउ परेको काठमाडौँ उपत्यका अपराध अनुसन्धान कार्यालयले जनाएको छ ।
