सिड्नीको एक स्कूलको भित्तामा ईस्लामिक स्टेटको नारा, अनुसन्धान हुँदै
आतंकवादी संगठन ईस्लामिक स्टेटका नाराहरु स्कूल क्षेत्रमा देखिएपछि यसको अनुसन्धान सिड्नी प्रहरीले सुरु गरेको छ । पनानियास्थित ईस्ट हिल्स व्वाईज हाई स्कूलका भित्तामा ISIS Beheads र ISIS R coming लेखिएको थियो । भित्तामा मंगलबार साँझदेखि बुधबार विहानकोबीचमा यस्तो लेखिएको अनुमान प्रहरीको छ । प्रहरीले यस सम्बन्धी जानकारी भए दिन सर्वसाधारणलाई आग्रह गरेका छन् । अभिभावहरुले यसका विषयमा गम्भीर चासो व्यक्त गरेका छन् भने अर्कोतर्फ न्यू साउथ वेल्सको शिक्षा विभागले एउटा विज्ञप्ति प्रकाशित गर्दै विद्यालय क्षेत्रमा गरिने कुनैपनि गलत क्रियाकलाप स्वीकार्य हुन नसक्ने जनाएको छ । र, तत्कालै यी नारा मेटिने जनाएको छ ।
