दक्षिण कोरियामा शुक्रबार सञ्चालन गरिएको एक पप गीत गायन प्रतियोगिता (कन्सर्ट) मा भएको भीडभाडमा कम्तीमा पनि १६ जनाको ज्यान गएको समाचार छ । सो कन्सर्टमा जम्मा भएका दर्शक उक्त दुर्घटनामा परी मारिएका छन् । अरु १० जना नराम्ररी घाइते भएको पनि सो समाचारमा जनाइएको छ । दक्षिण कोरियाको राजधानी सोलबाट दक्षिणमा पर्ने सेओङ्नाममा सो कन्सर्टको आयोजना गरिएको थियो । के पपको सो प्रस्तुती सुन्नका लागि जम्मा भएका दर्शक रहेको एक भाग भत्किएको र सोही दुर्घटनामा परी ती व्यक्ति मारिएका थिए । उक्त प्रस्तुती हेर्न झ्यालमाथिको टपमा उभिएका व्यक्ति सो टप भत्किँदा किचिएर १६ जनाको ज्यान गएको थियो । घाइते १० जनाको उपचार जारी छ र ती सबैको अवस्था गम्भीर रहेको चिकित्सकहरुले जनाएका छन् । खुला मैदान रङ्गशालामा सो प्रस्तुती दिइएको र त्यसको दर्शनका लागि पनि निकै ठूलो भीड जम्मा भएको थियो । उक्त रङ्गशालाको बाहिरीभागमा रहेको एक झ्यालको खापाले किचरे केहीको ज्यान गएको प्रहरीले जनाएको छ । छतमा रहेका दर्शक करिब १० मिटर तल झर्न पुगेका थिए । घाइतेको अवस्था पनि गम्भीर रहेकोले घाइतेको अवस्था पनि गम्भीर रहेको पाइएको छ । सो कन्सर्ट हेर्न त्यहाँ ७०० जना दर्शक उपस्थित रहेका थिए । सो झ्याल कसरी अकस्मात खस्न पुग्यो भन्ने बारेमा अनुसन्धान थालिएको प्रहरीले जनाएको छ ।