शनिबार त्रिपुरेश्वरस्थित राखेप कभर्डहलमा सम्पन्न महिलाको क्वाटरफाइनल खेलमा विभागीय टोली पुलिसले त्रिभुवन आर्मी क्लवलाई २५–२२, २४–२६, २०–२५, २५–१९ र १५–५ अङ्कले पराजित गर्दै सेमिफाइनलमा प्रवेश गरेको हो । यस्तै अर्को क्वाटरफाइनल खेलमा टप्स पश्चिमाञ्चलले काभ्रे जिल्ला भलिबल सङ्घलाई २५–७, २५–११ र २५–९ को सोझो सेटमा हराउदै सेमिफाइनलमा स्थान पक्का गरेको हो ।

यसैगरी पुरुषतर्फको क्वाटरफाइनल त्रिभुवन आर्मी क्लवले मणीमुकुन्द टिमलाई २५–१२, २५–१० र २५–१५ अङ्कको सोझो सेटमा हरायो । अर्को खेलमा पश्चिमाञ्चलले ढोरपाटन क्लवलाई २१–२५, २५–७, २५–२१ र २५–१७ अङ्कले पराजित ग¥यो ।

आइतवार महिलातर्फ न्यू डायमण्ड र एपिएफ तथा टप्स पश्चिमाञ्चल र पुलिस क्लवबीच तथा पुरुषतर्फ हेल्प नेपाल र एपिएफ क्लव तथा पश्चिमाञ्चल र त्रिभुवन आर्मी क्लवबीच प्रतिस्पर्धा हुने भलिबल प्रशिक्षक जगदीशप्रसाद भट्टले जानकारी दिनुभयो । रासस