शनिबार विहान एलिस स्प्रींग्सबाट ९० किलोमिटर दक्षिणतर्फ रहेको स्टुअर्टस वेलमा सडक दुर्घटना भयो जुन घटनामा चालकको घटनास्थलमै मत्यु भयो । शनिबार नै डार्विन रिभर क्षेत्रमा अर्को एक सडक दुर्घटना दिउँसोतिर भयो र यसमा पनि एकजना ४२ वर्षीय व्यक्तिको ज्यान गएको छ । यस्तै अर्को एक दुर्घटनामा एक मोटरसाईकल चालकको पनि मृत्यु भएको छ । यी तीनवटै घटनाको विषयमा प्रहरीले छुट्टाछुट्टै अनुसन्धान गरेको छ र प्रतिक्रियामा चालकहरुलाई बढी सावधान हुन आग्रह पनि गरेको छ । यस वर्ष अहिलेसम्म सडक दुर्घटनामा मृत्यु हुनेको संख्या ३५ पुगिसकेको र यो गतवर्षको भन्दा बढी भएको प्रहरीले जनाएको छ । सप्ताहन्तमा यस किसिमका दुःखद तीन घटना हुनु वास्तवमै दुःखदायी कुरा हो, यसैले हामी अझ बढी सतर्क बन्न चालकहरुलाई आग्रह गर्दछौं प्रहरीको भनाई छ ।