गुठी अष्ट्रेलियाले १५ नोभेम्बरमा म्हपूजा सेलिब्रेसन आयोजना गर्दै
नयाँ वर्ष नेपाल सम्वत ११३५ को अवसरमा गुठी अष्ट्रेलियाले विशेष कार्यक्रमसहित म्हपूजा सेलिब्रेसन २०१४ आयोजना गर्ने भएको छ । क्रोयडन कोरियन कम्युनिटी हलमा आयोजना गरिने कार्यक्रममा नेवारी परिकारका साथै लप्टे भोजको आयोजना गरिनेछ । लप्टे भोज नेवारी परिकारहरु सालको पातले बनेको थालमा पस्किएर प्रस्तुत गर्ने कार्य हो । नेवार समाजमा भोजकार्य यसै परम्परा अनुसार गरिन्छ। भोजमा पौष्टिकता सहित पाचन क्रियाको समेत ख्याल गरी भोजन तयार गरिएको हुन्छ र यसलाई क्रमैसँग पस्किने गरिन्छ।
