१६ कार्टुन पटकासहित तीन जना पक्राउ
तिहारका लागि भन्दै अवैद्य रुपमा ल्याइएका १६ कार्टुन पटकासहित प्रहरीले ललितपुरबाट तीन जनालाई पक्राउ गरेको छ ।
ललितपुर प्रहरीले गुसिंगालबाट ३ लाख २० हजार मूल्य पर्ने १६ कार्टुन पटाकासँगै तीन जनालाई पक्राउ गरेको हो । बरामद गरिएका प्रहरीले नष्ट गरिदिएको छ ।
तिहारको बहानामा पटका, आतिसबाजी जस्ता विष्फोटक पदार्थको प्रयोग नगर्न ललितपुर प्रहरीले सबैमा आग्रह गरेको छ । पटका तथा आतिसबाजी जस्ता विष्फोटक पदार्थले आगोलागी हुने, मान्छेको स्वास्थ्यमा समेत प्रतिकुल असर पर्ने भएकोले प्रयोग नगर्न बिज्ञप्तिमार्फत अपील गरेको हो ।
