एमएनटीभीका कार्यक्रम प्रस्तोता विनोद पौडेललाई अष्ट्रेलियाको सिड्नीस्थित सेन्ट जर्ज क्षेत्रमा रही त्यहाँका अन्य समूदायसँग नेपाली समूदायलाई जोड्न विशेष भूमिका निर्वाह गरेको भन्दै कम्युनिटी एवार्ड प्रदान गरिएको छ । बिहीबार साँझ आयोजित एक विशेष कायक्रममा एमपी मार्क कुर्रेले उक्त एवार्ड पौडेललाई प्रदान गर्नुभयो । सेन्ट जर्ज समूदायमा उल्लेखनीय योगदान दिएको भन्दै व्यक्तिगत स्वयंसेवा एचिभमेन्ट एवार्ड दिइएको प्रशंसापत्रमा लेखिएको छ । कार्यक्रमपछि पौडेलले भने, “मैले यहाँको समूदायमा खेलेको भूमिकाको प्रशंसा गर्दै प्रोत्साहन स्वरुप एवार्ड दिइएको हो । मलाई यसले थप जिम्मेवारीबोध गराएको छ । हामीले नेपाली समूदायको सेवासँगै बहुसांस्कृतिक भूमि अष्ट्रेलियामा अरु समूदायसँगको सम्बन्ध विस्तारमा पनि चासो दिनुपर्दछ ।” पौडेल एमएनटीभीको नियमित कार्यक्रम द भाईवका सञ्चालक हुन् भने स्मार्ट राईनो ग्रुप अफ कम्पनीजका निर्देशक हुन् ।