अमेरिकी राष्ट्रपति बाराक ओबामा चीन भ्रमणमा जान लाग्नु भएको चिनियाँ विदेश मन्त्रालयले सोमबार जानकारी दिएको  छ । उहाँ २२ औँैै एसिया प्रशान्तक्षेत्र आर्थिक सहयोग समूह (एपीईसी) को बैठकमा भाग लिने  सिलसीलामा चीनको भ्रमणमा जान लाग्नु भएको  बताइएको छ । एपीईसी नोभेम्बर १० देखि १२ तारिखसम्म जारी रहने चिनियाँ विदेश मन्त्रालयका प्रवक्ता किन गाङ्गले सोमबार घोषणा गर्नुभएको हो । ओबामालाई चीन भ्रमणको लागि चिनियाँ राष्ट्रपति सि जिनपिङ्गले निमन्त्रणा गर्नु भएको पनि किनले एक पत्रकार सम्मेलनमा बताउनु भएको छ । किनकाअनुसार ती दुई नेताबीच दुई देशको द्वीपक्षीय हितका कुराकानीलगायत अन्तर्राष्ट्रिय र क्षेत्रीय मुद्दाहरूको विषयमा वार्ता हुनेछ । राष्ट्रपति सिले एपीईसीको अध्यक्षता गर्नु हुने जनाइएको छ । त्यसैगरी उहाँले एपीईसीमा सहभागिता जनाउन आउनु भएका विश्वका आर्थिक नेताहरुसँग भेटवार्ता गर्नुहुने पनि जानकारी दिइएको  छ  ।