पूर्व–पश्चिम राजमार्ग अन्तरगत मकवानपुरको हेटौँडा १७ चुरियामाईमा ट्रक दुर्घटना हुँदा सात जनाको मृत्यु भएको छ भने नौ जना घाईते भएका छन् । सर्लाहीबाट चितवन जाँदै गरेको ना ४ ख १२५२ नम्बरको ट्रक चुरियामाई मन्दिर नजिकै उकालोमा ट्रक अनियन्त्रित भई पल्टेको प्रहरीले जनाएको छ । आज बिहान करिब पाँच बजे भएको दुर्घटनामा मृतकहरुको सनाखत हुन बाँकी रहेको छ । आठ जना घाईतेको हेटौँडा अस्पतालमा उपचार भईरहेको छ भने एक गम्भीर घाईतेको भरतपुर रिफर गरिएको छ । घाईतेहरुले पथलैयाबाट सहचालकले ट्रक चलाएको र लापरबाहीपूर्वक चलाएकोले दुर्घटना भएको जानकारी दिएका छन् । घाईतेहरु सबै सर्लाही औरही गाबिसका रहेको प्रहरीले जनाएको छ । ट्रकका चालक र सहचालक फरार रहेको प्रहरीले जनाएको छ । यसअघि मकवानपुरकै बसामाडीमा शनिबार दुई बस जुझ्दा दश जनाको मृत्यु भएको थियो भने ३० जना घाईते भएका थिए ।