भिक्टोरियामा रहेका नेपालीहरुको साझा संस्था नेप्लीज एशोसिएसन अफ भिक्टोरिया न्याभले आयोजना गरेको बहुसांस्कृतिक क्रिकेट प्रतियोगिताको फाईनल खेल आईतबार हने भएको छ । मौसमका कारण दुई साताअघि स्थगित खेल यो आईतबार २९ अप्रिलका दिन हुन लागेको उपाध्यक्ष तारा गैरेले जानकारी दिए । उनका अनुसार विहान ९ बजेदेखि साँझ ४ बजेसम्म सेमिफाईनल र फाईनल प्रतियोगिता आयोजना हुनेछ । अस्कट भेलको फेयरबेन पार्कमा आयोजना हुने प्रतियोगिताको सेमिफाईनलमा हिमालयन क्लब र मेलबर्न ग्रिन्स, अर्को खेलमा अल नेसन्स र नर्दन लायन्स भिड्दैछन् । दिउँसो १ बजेपछि फाईनल खेल हुनेछ जसको प्रत्यक्ष प्रशारण एमएनटीभीले गर्नेछ । प्रतियोगितालाई भिक्टोरियाको बहुसांस्कृतिक आयोगको सहयोग रहँदै आएको छ । न्याभले विभिन्न समूदायकाबीच सम्बन्धको सुदृढीकरण र विस्तारका लागि यस किसिमको प्रतियोगिताले महत्वपूर्ण भूमिका निर्वाह गर्ने अपेक्षा लिएको पनि क्रिकेट संयोजक तारा गैरेले जानकारी दिएका छन् ।