नेपाली क्रिकेट स्टार सन्दीप लामिछाने आगामी डिसेम्बर १० तारिख मेलबर्न आउने भएका छन् । बिग बास क्रिकेट लिगमा खेल्नका लागि आउन लागेका सन्दिपले मेलबर्न स्टार्सका लागि खेल्नेछन् । मेलबर्न स्टार्सका लिष्ट म्यानेजर ट्रन्ड उडहिलले नेपाली लेग स्पीनर अष्ट्रेलियामा स्टार बन्ने आशा गर्दै उनको बलिङ क्षमता र आक्रामकताले आफु प्रभावित बनेको प्रतिक्रिया दिएका छन् । पहिलो पटक आईपीएलमा खेल्ने नेपाली खेलाडीको कीर्तिमान बनाएका उनी अष्ट्रेलियाको बिग बास लिगमा खेल्ने पनि पहिलो नेपाली व्यवसायिक क्रिकेटर हुन् । १८ वर्षीय लेग स्पीनर सन्दिप मेलबर्नबाट दुई सत्रमा खेल्ने बताइएको छ । सन्दपिले यसअघि क्यानाडामा ग्लोबल टी २० लिग खेल्दा ४० हजार डलर पाएका थिए भने सन्दीपले बिग बासमा पाउने पारिश्रमिक अहिलेसम्मकै बढी हुने अपेक्षा गरिएको छ । फ्रेन्चाईज लिगमा ईन्डियन प्रिमियर लिग र बिग बास सबैभन्दा ठूला प्रतियोगिता हुन् । यसअघि उनी अष्ट्रेलियन क्रिकेट टिमका क्याप्टेन माईकल क्लार्कको निमन्त्रणामा सिड्नीमा ग्रेड क्रिकेट खेलेका थिए ।