माधवकुमार नेपाल र काँग्रेस आईकी अध्यक्ष सोनिया गान्धीबीच भेट
भारतको भ्रमणमा नयाँ दिल्लीमा रहनुभएका नेकपा (एमाले) का नेता माधवकुमार नेपालले भारतीय काँग्रेस पार्टीका अध्यक्ष सोनिया गान्धीलगायत नेता र उच्च अधिकारीसँग भेटवार्ता गर्नुभएको छ । नेता नेपालका सहयोगी मोहन गौतमका अनुसार नेपालले मङ्गलबार अध्यक्ष गान्धीसँग भेट गरी दुई देशको आपसी हित र सम्बन्धबारे कुराकानी गर्नुभयो । यस्तै, उहाँले भारतीय विदेश मन्त्री सुष्मा स्वराजसँग पनि भेट गर्नुभयो । एक अन्तर्राष्ट्रिय सम्मेलनका अवसरमा भारत पुग्नुभएका नेपालले त्यहाँस्थित नेपाली दूतावासले आयोजना गरेको स्वागत कार्यक्रममा पनि सहभागी हुनुभयो । भारतमा रहनुभएका नेपाली काँग्रेसका वरिष्ठ नेता शेरबहादुर देउवा पनि सो कार्यक्रममा सहभागी हुनुभयो ।
