फेससबुकमा झुम्दै गएको नेपाली युवा जमातले गर्ने एउटा सानो गल्तीले जीवनको मोडलाई कसरी मोडिदिन्छ भन्ने मुख्य कथावस्तुमा निर्माण गरिएको चलचित्र सरी ल को प्रथम सिड्नी प्रदर्शन आज साँझ ६ बजेदेखि अष्ट्रेलियाको सिड्नीस्थित हर्सभिलको सिभिक थियटरमा हुँदैछ । एमएनटीभीको भ्रातृ संस्था एमएनएभीले प्रस्तुत गरेको चलचित्रको निर्देशन निर्देशक ऋषि लामिछानेले गरेका हुन् । अहिलेसम्म उत्साहजनक रुपमा सहभागिता जनाउने क्रम जारी रहेको भन्दै एमएनएभीका सुमन सिवाकोटीले भन्नुभयो, अनलाईनमा पनि हाम्रो सिड्नी डट कम डट एयूमा र टिकट्स एण्ड मोर डट कम डट एयूमा गएर आफ्नो सिट सुरक्षित गर्न सकिने व्यवस्था गरेका छौं । आशा छ नेपाली चलचित्रलाई मन पराउने दर्शकहरुले हाम्रो यो प्रयासलाई पनि मन पराईदिनु हुनेछ ।