विगत ६ वर्षदेखि विद्यार्थीहरुलाई परामर्श सेवा दिँदै आएको केबीए ग्लोबलले मेलबर्न शाखा सुरुवात गरेको छ । गत शुक्रबार एक समारोहकाबिच काउन्सिल अफ ईन्टरनेशनल स्टुडेन्स एशोसिएसन सीसाका सभापति विजय सापकोटाले शाखाको उद्घाटन गरेका हुन् । केबीए ग्लोबलको मेलबर्न शाखासँगै शाखाहरुको संख्या १२ पुगेको छ । डार्विनमा शाखा रहेको संस्थाको सिड्नी, पर्थ, डार्विन, काठमाडौं, चितवन, बुटवल, पोखरा, बनेपा, नेपालगञ्ज र फिलिपिन्समा समेत शाखा रहेका छन् । उक्त अवसरमा बोल्दै संस्थापक शम्भु कँडेलले गुणस्तरीय सेवा दिने आफुहरुको प्रयासमा यो नयाँ कोशेढुंगा बन्ने विश्वास व्यक्त गरे । उक्त अवसरमा मेलबर्नमा रहेका विभिन्न शैक्षिक परामर्शदाता संस्थाका प्रतिनिधिहरुको उपस्थिति थियो ।