आईतबार जीएनसी कप फुटबल २०१९ को फाईनल, बेनी र माछापुच्छ्रे क्लबबीच भिडन्त
अष्ट्रेलियामा नेपालीहरुको सबैभन्दा पुरानो फुटबल लिग गोर्खा नेपाली कप फुटबलको २०१९ को उपाधिका लागि यो आईतबार हुने भएको छ । ओली एण्ड एशोसिएट्सको मुख्य प्रायोजनमा सञ्चालन भइरहेको फुटबल प्रतियोगिताको फाईनलमा बेनी फुटबल क्लब र माछापुच्छ्रे फुटबल क्लबबीच दिउँसो एक बजेर ३० मिनेटमा खेल हुनेछ । 
यसअघि तेश्रो स्थानका लागि सगरमाथा फुटबल क्लब र सेन्टजर्ज नेप्लीज क्लबबीच प्रतिस्पर्धा हुनेछ । यस्तै ३५ वर्षमाथिका भेट्रानको उपाधिका लागि माछापुच्छ्रे र सेन्टजर्ज नेप्लीज क्लबबीच प्रतिस्पर्धा हुनेछ । अघिल्लो साताको फाईनल खेल प्रतिकूल मौसमका कारण सारिएको थियो । प्रतियोगता लगत्तै विजयी टिम र खेलाडीहरुलाई पुरस्कार वितरण गर्ने कार्यक्रम राखिएको आयोजकले जनाएको छ ।
